Qazaqstan Respýblıkasy Úkimetiniń qaýlysy №497

  2016 jylǵy 31 tamyz , Astana, Úkimet Úıi Normatıvtik quqyqtyq aktilerdiń jobalaryna ǵylymı saraptama júrgizý qaǵıdalaryn bekitý týraly «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańy 30-babynyń 4-tarmaǵyna jáne 33-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qoca berilip otyrǵan Normatıvtik quqyqtyq aktilerdiń jobalaryna ǵylymı saraptama júrgizý qaǵıdalary bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 31 tamyzdaǵy №497 qaýlysymen bekitilgen Normatıvtik quqyqtyq aktilerdiń jobalaryna ǵylymı saraptama júrgizý qaǵıdalary 1. Jalpy erejeler 1. Osy Normatıvtik quqyqtyq aktilerdiń jobalaryna ǵylymı saraptama júrgizý qaǵıdalary «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń (budan ári – Zań) 30-babynyń 4-tarmaǵyna jáne 33-babynyń 2-tarmaǵyna sáıkes ázirlendi jáne normatıvtik qu­qyqtyq aktilerdiń jobalaryna ǵylymı saraptama uıymdastyrý jáne júrgizý tártibin aıqyndaıdy. 2. Normatıvtik quqyqtyq aktilerdiń ǵylymı saraptamasy: 1) jobanyń sapasyn, negizdiligin, ýaqtyly­ly­ǵyn, quqyqqa syıymdylyǵyn, jobada Qazaqstan Res­pýb­lıkasynyń Konstıtýsııasynda bekitilgen adam jáne azamat quqyqtarynyń saqtalýyn baǵalaý; 2) normatıvtik quqyqtyq aktiniń yqtımal tıimdiligin aıqyndaý; 3) jobanyń normatıvtik quqyqtyq akt retinde qabyldanýynyń yqtımal teris saldaryn anyqtaý úshin júrgiziledi. 3. Qazaqstan Respýblıkasy Úkimetiniń zań shyǵarý bastamasy tártibimen ázirlengen jáne Qazaqstan Respýblıkasynyń Parlamenti Májilisiniń qaraýyna engiziletin normatıvtik quqyqtyq aktilerdiń jobalary boıynsha ǵylymı quqyqtyq, ǵylymı ekonomıkalyq jáne ǵylymı lıngvıstıkalyq saraptamalar júrgiziledi. Ǵylymı lıngvıstıkalyq saraptama qazaq jáne orys tilderindegi mátinderdiń dálme dáldigi aıqyndaý maqsatynda júrgiziledi. Qabyldanýy ekologııalyq, onyń ishinde radıa­sııalyq qaýipsizdikke, qorshaǵan ortany qorǵaýǵa qater týǵyzýy múmkin zańnamalyq jáne ózge de normatıvtik quqyqtyq aktilerdiń jobalaryna mindetti túrde Qazaqstan Respýblıkasynyń ekologııalyq zańnamasyna sáıkes ǵylymı ekologııalyq saraptama júrgizilýge tıis. Zań jobalary Qazaqstan Respýblıkasy Prezıdentiniń zańnamalyq bastamasy tártibimen engiziletin, ǵylymı saraptama júrgizbeýge bolatyn jaǵdaılardy qospaǵanda, Qazaqstan Respýblıkasy Parlamentiniń qaraýyna engiziletin normatıvtik quqyqtyq aktilerdiń jobalary boıynsha olar retteıtin qoǵamdyq qatynastarǵa qaraı ǵylymı saraptama júrgizý mindetti. 4. Zań jobalaryna ǵylymı saraptama júrgizýdi uıymdastyrý: zań jobalarynyń ǵylymı quqyqtyq sarap­tamasy jáne ǵylymı lıngvıstıkalyq saraptamasy boıynsha Qazaqstan Respýblıkasynyń Ádilet mınıstrligine; zań jobalarynyń ǵylymı ekonomıkalyq saraptamasy boıynsha Qazaqstan Respýblı­kasynyń Ulttyq ekonomıka mınıstrligine (budan ári – saraptamany uıymdastyýshy) júkteledi. 5. Halyqaralyq sharttardyń jobalaryna jáne Qazaqstan Respýblıkasy qatysýshy bolýǵa nıettenetin halyqaralyq sharttarǵa qatysty ǵylymı saraptama Qazaqstan Respýblıkasy Úkimetiniń 2010 jylǵy 14 qyrkúıektegi № 938 qaýlysymen bekitilgen Qazaqstan Respýblıkasy qatysýshy bolýǵa nıettenetin halyqaralyq sharttar boıynsha, sondaı-aq halyqaralyq sharttardyń jobalary boıynsha ǵylymı saraptama júrgizý qaǵıdasyna sáıkes júrgiziledi. 2. Ǵylymı saraptamanyń túrleri 6. Normatıvtik quqyqtyq aktilerdiń jobalary boıynsha ǵylymı uıymdar nemese ártúrli mamandyqtaǵy sarapshylar keshendi saraptama júrgizýi nemese ár túrdegi derbes saraptamalar, qajet bolǵan jaǵdaıda qaıtalama saraptama júrgizilýi múmkin. Keshendi ǵylymı saraptamany ǵylymı uıymdar nemese normatıvtik quqyqtyq aktiniń jobasyn bilimniń ár túrdegi salalary negizinde zertteý qajet bolǵan jaǵdaıda ártúrli mamandyqtaǵy sarapshylar júrgizedi. Ár túrdegi derbes ǵylymı saraptama norma­tıv­tik quqyqtyq aktiniń jobasyn bilimniń bir salasy negizinde zertteý qajet bolǵan jaǵdaıda júrgiziledi. Qaıtalama ǵylymı saraptama ǵylymı uıymnyń nemese sarapshynyń bastapqy ǵylymı saraptama nátıjeleri boıynsha qorytyndysy jetkilikti negizdelmegen ne onyń durystyǵy kúmán týǵyzǵan jaǵdaıda júrgiziledi. Qosymsha ǵylymı saraptama normatıvtik quqyqtyq aktiniń jobasyn pysyqtaý nátıjesinde, sondaı-aq zań jobasy Qazaqstan Respýblıkasy Úkimetiniń Reglamentine sáıkes múddeli mem­lekettik organdarmen kelisilgennen keıin Qazaqstan Respýblıkasynyń Úkimetine engizilgenge deıin oǵan tujyrymdamalyq ózgerister engizilgen jaǵdaıda júrgiziledi. 3. Ǵylymı saraptama júrgizý úshin usynylatyn materıaldar 7. Ázirleýshi organ zań jobasynyń kóshirmesimen birge ǵylymı saraptamaǵa mynadaı materıaldardyń kóshirmelerin (qaǵaz jáne elektrondyq jetkizgishterde) usynady: 1) zań jobasyna túsindirme jazba (qazaq jáne orys tilderinde); 2) qoldanystaǵy zańnamalyq aktilerge ózgerister men tolyqtyrýlar engizý kezinde engiziletin ózgerister men tolyqtyrýlardyń tıisti negizdemesine sáıkes zań jobasyna salystyrma keste (qazaq jáne orys tilderinde); 3) zań jobasynyń tujyrymdamasy; 4) bar bolsa, zerdelenip otyrǵan problema boıynsha statıstıkalyq derekter. Ǵylymı ekonomıkalyq saraptama júrgizý úshin qosymsha mynalar: 1) osy Qaǵıdalarǵa qosymshaǵa sáıkes nysan boıynsha zań jobasyn ázirleýshi memlekettik organ basshysynyń jetekshilik etetin orynbasary ár paraǵyn dáıektegen jáne qol qoıǵan qabyldanatyn zań jobasynyń qoldanylýynyń áleýmettik-ekonomıkalyq saldaryn baǵalaý jónindegi pasport (qazaq jáne orys tilderinde); 2) memlekettik kiristerdi azaıtýdy nemese memlekettik shyǵystardy ulǵaıtýdy kózdeıtin normatıvtik quqyqtyq aktilerdiń jobalary boıynsha Respýblıkalyq bıýdjet komıssııasyna arnalǵan qarjylyq esepter usynylady. Osy tarmaqta kózdelgen materıaldardy usynbaý ǵylymı saraptama júrgizýden bas tartý úshin negiz bolyp tabylady. Sarapshylardyń ne saraptamany uıymdas­tyrýshynyń suraý salýy boıynsha ázirleýshi organ zań jobasynda qozǵalǵan máselelerge qatysty ózge de materıaldardy eki jumys kúni ishinde usynady. 8. Zańdardyń jobalaryn ǵylymı saraptamaǵa jiberýdi ázirleýshi organ nemese Parlament depýtattary ózderi zań jobalaryna bastamashy bolǵan kezde júzege asyrady. Bul rette, Qazaqstan Respýblıkasy Parlamenti depýtattarynyń zańnama bastamashylyǵymen daıyndalǵan zańdardyń jobalary ǵylymı ekonomıkalyq saraptamaǵa joldanbaıdy. Ǵylymı ekonomıkalyq saraptama júrgizý úshin zań jobasyn ázirleýshi organ zań jobasy boıynsha materıaldardy, onyń ishinde elektrondyq jetkizgishte saraptamany uıymdastyrýshyǵa jiberedi. Saraptamany uıymdastyrýshy zań jobasy boıynsha materıaldardy ǵylymı ekonomıkalyq saraptama júrgizý úshin tartylǵan ǵylymı uıymǵa, sarapshyǵa jiberedi. 4. Ǵylymı saraptama júrgizýdiń tártibi men sharttary 9. Ǵylymı saraptama júrgizýdiń sharttary Qazaqstan Respýblıkasynyń zańnamasyna sáıkes saraptamany uıymdastyrýshy men ǵylymı uıym nemese sarapshy arasynda jasalǵan azamattyq-quqyqtyq shartta aıqyndalady. 10. Ǵylymı quqyqtyq saraptama zań jobasyn ázirleýdiń mynadaı satylarynda: 1) Qazaqstan Respýblıkasy Úkimetiniń Reglamentine sáıkes ony Qazaqstan Respýblıkasy Premer-Mınıstriniń Keńsesine engizgenge deıin; 2) Qazaqstan Respýblıkasy Prezıdenti Ákim­shiliginiń nemese Qazaqstan Respýblıkasy Premer-Mınıstri Keńsesiniń eskertýleri boıyn­sha ony pysyqtaý nátıjesinde zań jobasyna tujy­rym­damalyq ózgerister engizilgen jaǵdaıda júrgiziledi. Ǵylymı ekonomıkalyq saraptama zań jobasyn ázirleýdiń mynadaı satylarynda: Qazaqstan Respýblıkasy Ulttyq ekonomıka mınıstrligimen kelisilgenge deıin; 2) Qazaqstan Respýblıkasy Prezıdenti Ákim­­shiliginiń nemese Qazaqstan Respýblıkasy Prem­er-Mınıstri Keńsesiniń eskertýleri boıyn­sha ony pysyqtaý nátıjesinde zań jobasyna tujy­rym­­damalyq ózgerister engizilgen jaǵdaıda júrgiziledi. Zań jobasynyń qazaq jáne orys tilderindegi mátinderiniń dálme dáldigi bóliginde ǵylymı lıngvıstıkalyq saraptama zań jobasyn ázirleýdiń mynadaı satylarynda: 1) Qarjy, Ulttyq ekonomıka jáne Ádilet mı­nıstrlikterimen keliskennen keıin ony Qazaqstan Respýblıkasynyń Úkimetine engizgenge deıin; 2) Qazaqstan Respýblıkasy Prezıdenti Ákimshi­liginiń jáne/nemese Qazaqstan Respýblıkasy Premer-Mınıstri Keńsesiniń eskertýlerin joıǵannan keıin Qazaqstan Respýblıkasynyń Úki­meti ony Qazaqstan Respýblıkasy Parlamentiniń qaraýyna engizgenge deıin júrgiziledi. 11. Saraptama júrgizý týraly sheshimdi: 1) Qazaqstan Respýblıkasynyń Prezıdenti nemese onyń tapsyrmasy boıynsha Qazaqstan Res­pýblıkasy Prezıdenti Ákimshiliginiń Basshysy, jobany zań shyǵarý bastamashylyǵy tártibimen Qazaq­stan Respýblıkasy Parlamentiniń Májilisine engi­­zetin Qazaqstan Respýblıkasy Parlamentiniń depý­­tattary jáne Qazaqstan Respýblıkasynyń Úkimeti; 2) ýákiletti organ; 3) eger osy organnyń reglamentimen nemese ózge de normatıvtik quqyqtyq aktilermen osy tul­ǵalarǵa jáne qurylymdyq bólimshelerge osyndaı quqyq berilse, ázirleýshi organ qabyldaı alady. 12. Zań jobasyna ǵylymı saraptama júrgizý mynadaı kezeńderdi qamtıdy: 1) zań jobasy olardy sheshýge baǵyttalǵan problemalyq máselelerdi anyqtaý jáne sıpattaý; 2) zańdy qabyldaý olardy sheshýge baǵyt­talǵan problemalyq máselelerdi sheshýdiń barlyq belgili jáne tıimdi, onyń ishinde ártúrli tarıhı kezeńderde, halyqaralyq praktıkada qoldanylǵan tásilderin, tetikterin, joldaryn sıpattaý, sondaı-aq quqyqtyq qatynastardyń aralas salalaryn jáne zańdy qabyldaý saldary túrinde olarǵa áser etýdi aıqyndaý; 3) qoıylǵan problemalyq máselelerdi sheshýge zań jobasynda usynylatyn tásilderdi, tetikterdi, joldardy, problemalyq máselelerdi sheshýdiń zań jobasynda usynylǵan qandaı da bir tásilderin qabyldaýdyń yqtımal saldaryn taldaý. 13. Ony ázirleýdiń árbir satysynda ǵylymı saraptama qorytyndysy mátininiń normatıvtik quqyqtyq akt jobasynyń mátinine sáıkestigine ázirleýshi organdar jaýapty bolady. 5. Ǵylymı saraptama júrgizý merzimderi 14. Ǵylymı saraptama 15 jumys kúni ishinde júrgiziletin ǵylymı lıngvıstıkalyq saraptamany, sondaı-aq kúntizbelik 25 kún ishinde júrgiziletin ǵylymı ekonomıkalyq saraptamany qospaǵanda, zań jobasy jáne onyń materıaldary ǵylymı uıymǵa nemese sarapshyǵa usynylǵan kúnnen bastap kúntizbelik 15 kúnnen aspaıtyn merzimde júrgizilýge tıis. Ázirleýshi organ zań jobasyn Qazaqstan Respýblıkasynyń Ádilet mınıstrligimen keliskennen keıin 2 jumys kúni ishinde onyń ǵylymı lıngvıstıkalyq saraptamaǵa usynylýyn qamtamasyz etedi. 15. Qosymsha jáne qaıtalama ǵylymı saraptama zań jobasy jáne onyń materıaldary ǵylymı uıymǵa nemese sarapshyǵa usynylǵan kúnnen bastap 5 jumys kúninen aspaıtyn merzimde júrgizilýge tıis. Qazaqstan Respýblıkasynyń Prezıdenti Ákim­shiliginiń eskertýlerin joıǵannan keıin zań joba­syn Qazaqstan Respýblıkasy Premer-Mı­nıstriniń Keńsesinde qaraý satysyndaǵy ǵylymı lın­gvıstıkalyq saraptama júrgizý merzimi ázirleýshi organ pysyqtalǵan zań jobasyn qaıtalama ǵylymı lıngvıstıkalyq saraptama júr­gizý úshin usynǵan kezden bastap keminde 2 ju­mys kúnin quraýǵa jáne 5 jumys kúninen aspaýǵa tıis. Qajet bolǵan jaǵdaıda ǵylymı saraptama júrgizý merzimi Qazaqstan Respýblıkasy Prezı­dentiniń, Qazaqstan Respýblıkasy Prezıdentiniń Ákimshiligi basshylyǵynyń, Qazaqstan Respýb­lıkasy Úkimetiniń ony júrgizý qajettigi týraly tapsyrmasy bolǵan jaǵdaılardy qospaǵanda, ázirleýshi organnyń jáne saraptamany uıym­das­tyrýshynyń kelisimimen uzartylýy múmkin. 16. Ázirleýshi organ zań jobasyn ǵylymı uıymnyń nemese sarapshynyń usynystary boıynsha pysyqtaǵan jaǵdaıda ǵylymı saraptamany júrgizý merzimderi jańartylǵan zań jobasy usynylǵan kúnnen bastap belgilenedi. 6. Ǵylymı saraptamany júzege asyratyn sýbektiler 17. Normatıvtik quqyqtyq aktiler jobalarynyń ǵylymı saraptamasyn ǵylymı mekemeler nemese tıisti beıindegi joǵary oqý oryndary (budan ári – ǵylymı uıymdar), qaralatyn jobanyń mazmunyna qaraı ǵalymdar men mamandardyń qatarynan tartylatyn sarapshylar júrgizedi. Ǵylymı uıymdar, sarapshylar retinde basqa da memleketter men halyqaralyq uıymdardan mamandar tartylýy múmkin. Normatıvtik quqyqtyq aktiniń jobasy ǵylymı saraptama úshin sheteldik jáne halyqaralyq uıymdarǵa jiberilýi múmkin. 18. Sarapshynyń joǵary bilimi jáne ǵylymı dárejesi bolýǵa, ǵylymı saraptamanyń belgili bir túri salasynda arnaıy bilimi, tájirıbesi bolýǵa tıis. 19. Ǵylymı uıym, sarapshy: 1) ǵylymı saraptama júrgizý úshin qajetti, onyń ishinde ǵylymı saraptama jumysyn júrgizý barysynda týyndaıtyn máseleler boıynsha barlyq aqparatty, materıaldardy alady; 2) oryndaǵan jumysy úshin syıaqy alady; 3) saraptamany uıymdastyrýshymen kelisim boıynsha olardyń aldyna qoıylǵan máseleler jóninde ǵana emes, sonymen qatar óz quzyreti sheginde normatıvtik quqyqtyq aktilerdiń joba­larynan týyndaıtyn ózge de máseleler jóninde de qorytyndylar beredi; 4) ázirleýshi organdardyń statıstıkalyq derekterin paıdalana alady. Eger statıstıka jónindegi ýákiletti memlekettik organ men ázirleýshi organnyń statıstıkalyq derekteri úılespegen bolsa, bul saraptama qorytyndysynda kórsetilýge tıis; 5) ǵylymı saraptamany júzege asyrý kezinde, eger shartta ózgeshe kózdelmese, ony oryndaýǵa úshinshi tulǵalardy tartýy múmkin. 6) normatıvtyk quqyqtyq aktilerdiń jobalarynan týyndaıtyn, sondaı-aq saraptamany uıymdastyrýshy onyń aldyna qoıǵan máseleler boıynsha ýájdi, ǵylymı negizdelgen, obektıvti jáne tolyq qorytyndy beredi; 7) ǵylymı saraptama júrgizý barysynda óz kinásinen jiberilgen kemshilikterdi óz kúshimen, óz esebinen jáne saraptamany uıymdastyrýshy belgilegen merzimde joıady; 8) saraptamany uıymdastyrýshyǵa ǵylymı saraptama júrgizýden kútiletin nátıjelerin alýdyń múmkin emestigi nemese ǵylymı saraptamany odan ári júrgizýdiń orynsyzdyǵy týraly 1 jumys kúninen aspaıtyn merzimde habarlaıdy; 9) saraptamany uıymdastyrýshyǵa ǵylymı saraptama júrgizý barysynda shekken shyǵystary týraly esepti usynady; 10) ǵylymı saraptama júrgizý mánine qatysty málimetterdiń, onyń oryndalý barysynyń jáne ǵylymı nátıjeleriniń qupııalylyǵyn qamtamasyz etedi; 11) shartta belgilengen ózge de mindetterdi alady. 7. Saraptamalyq qorytyndy 20. Normatıvtik quqyqtyq aktiniń jobasyna júrgizilgen ǵylymı saraptamanyń nátıjeleri boıynsha ǵylymı uıymnyń nemese sarapshylardyń ǵylymı saraptama júrgizý máni boıynsha ýájdi, ǵylymı negizdelgen, obektıvti jáne tolyq tujyrymdary qamtylýǵa tıis saraptama qorytyndysy jasalady. 21. Zań jobasyna berilgen ǵylymı sarap­ta­ma­lyq qorytyndyda mynadaı derekter kórse­tilýge tıis: 1) jalpy erejeler: uıym tartqan, ǵylymı saraptamany júrgizgen uıym jáne/nemese tulǵa; ǵylymı saraptama júrgizilgen ǵylym salalary; ázirleýshi organ; ǵylymı saraptamanyń nysanasy men maqsattary; zań jobasynyń ataýy; zań jobasynyń mejeli maqsaty; zań jobasynyń qurylymy; 2) zań jobasy sheshýge baǵyttalǵan problemalyq máselelerdi sıpattaý, onyń ishinde zań jobasyn qabyldaýdyń negizdiligi men ýaqtylylyǵyn baǵalaý; 3) zańdy qabyldaý olardy sheshýge baǵyttal­ǵan problemalyq máselelerdiń sheshimin tabýdyń barlyq belgili jáne tıimdi, onyń ishinde ártúrli tarı­hı kezeńderde, sheteldik praktıkada qolda­nylǵan tásilderin, tetikterin, joldaryn sıpattaý, sondaı-aq quqyqtyq qatynastardyń sabaqtas salalaryn jáne olarǵa zańnamalyq aktini qabyldaýdyń saldary túrindegi áserdi sıpattaý; 4) alǵa qoıylǵan problemalyq máselelerdiń sheshimin tabýdyń zań jobasynda usynylatyn tásilderin, tetikterin, joldaryn, problemalyq jaǵdaılardy sheshýdiń sol bir nemese ózge tásilderin qabyldaýdyń yqtımal saldaryn, onyń ishinde ǵylymı saraptamanyń aldyna qoıylǵan suraqtarǵa jaýaptardy taldaý. 22. Ǵylymı quqyqtyq saraptamanyń aldyna mynadaı máseleler qoıylady: 1) zań jobasynyń Qazaqstan Respýblıkasynyń Konstıtýsııasyna, joǵary deńgeıde turǵan normatıvtik quqyqtyq aktilerge, Qazaqstan Respýblıkasynyń halyqaralyq mindettemelerine sáıkestigin tekserý; 2) zań jobasyn qabyldaýdyń áleýmettik, ekonomıkalyq, ǵylymı-tehnıkalyq jáne ózge de saldaryn baǵalaý; 3) zań normalaryn sybaılas jemqorlyq táýekelderiniń bolýy turǵysynan zerdeleý; 4) zań jobasyn qabyldaýǵa baılanysty qylmystyq jáne ákimshilik quqyq buzýshylyqtar jasaýǵa yqpal etetin sebepter men jaǵdaılardyń bolýyn aıqyndaý, sondaı-aq olardy jasaýdyń aldyn alýǵa onyń áserin baǵalaý; 5) zań jobasyn qabyldaýǵa baılanysty erkekter men áıelderdiń teń quqyqtaryna jáne teń múmkindikterine qysym jasaý úshin sebepter men jaǵdaılardyń bolýyn aıqyndaý; 6) zań jobasy qabyldanǵan jaǵdaıda naq­tylaýǵa jatatyn normatıvtik quqyqtyq aktilerdiń tizbesin aıqyndaý; 7) zań jobasy normalarynyń ǵylymı jaǵynan pysyqtalýynyń sıpattamasy, zańnamalyq bazany jaqsartý jóninde ǵylymı negizdelgen usynystar ázirleý; 8) quqyqtyń tıisti salasynyń qaǵıdattaryna yqtımal qaıshylyqtardy anyqtaý; 9) zań jobasynda qamtamasyz etiletin aıqyn nemese jasyryn vedomstvolyq nemese toptyq múddeni anyqtaý; 10) zań jobasynan týyndaıtyn ózge de suraqtarǵa jaýap alý. 23. Zań jobasynyń ǵylymı ekonomıkalyq saraptamasynyń saraptama qorytyndysynda mynalardy kórsetý qajet: 1) jalpy erejeler: ázirleýshi organ; uıym tartqan, ǵylymı saraptamany júrgizgen uıym jáne/nemese tulǵa; zań jobasynyń jalpy sıpattamasy; zań jobasynyń ataýy; zań jobasynyń mejeli maqsaty; zań jobasynyń qurylymy; zań jobasynyń jańalyǵy; 2) zań jobasy sheshýge baǵyttalǵan proble­malyq máselelerdi sıpattaý; 3) zań jobasyn qabyldaý olardy sheshýge baǵyttalǵan problemalyq máselelerdiń sheshimin tabýdyń barlyq belgili jáne tıimdi, onyń ishinde ártúrli tarıhı kezeńderde, halyqaralyq praktıkada qoldanylǵan tásilderin, tetikterin, joldaryn sıpattaý; 4) alǵa qoıylǵan problemalyq máselelerdiń sheshimin tabýdyń zań jobasynda usynylatyn tásilderin, tetikterin, joldaryn, problemalyq jaǵdaılardy sheshýdiń sol bir nemese ózge tásilderin qabyldaýdyń yqtımaal saldaryn taldaý, onyń ishinde joba erejeleriniń makro­eko­nomıkalyq tıimdilikke, áleýmettik damýǵa, kásip­kerliktiń damýyna, salanyń jáne/nemese el­diń ekonomıkalyq qaýipsizdigine yqpal etýin baǵalaý; 5) jalpy qorytyndy. 24. Ǵylymı uıym nemese sarapshy ǵylymı saraptamaǵa birneshe zań jobasyn usynǵan jaǵdaıda árbir zań jobasy boıynsha ǵylymı saraptama júrgiziledi jáne qorytyndy jasalady. 25. Saraptama qorytyndysy ǵylymı saraptama júrgizgen uıymnyń fırmalyq blankisinde daıyndalady, al ǵylymı saraptamany sarapshy júrgizgen jaǵdaıda qorytyndyda onyń tegi, aty, ákesiniń aty jáne onyń quzyrettiligi pen biliktiligin kórsetetin derekter kórsetiledi. 26. Saraptama qorytyndysyna ǵylymı uıymnyń birinshi basshysy jáne saraptama júrgizgen adamdar nemese ǵylymı saraptama júrgizgen sarapshy qol qoıady. 27. Ǵylymı saraptama qorytyndylary usynymdyq sıpatta bolady. Saraptama qorytyndysynda zań jobasyna eskertýler jáne/nemese usynystar bolǵan kezde ázirleýshi organ saraptama qorytyndysyndaǵy eskertýlerge jáne/nemese usynystarǵa kelisken jaǵdaıda zań jobasyn pysyqtaý týraly sheshim qabyldaıdy. Ǵylymı saraptama qorytyndysynda ázirleýshi organnyń quzyretine jatpaıtyn eskertýler jáne/nemese usynystar qamtylǵan jaǵdaıda, onda ázirleýshi organ pysyqtaý jáne tıisti ustanymdy qalyptastyrý úshin olardy saraptama qorytyndysynda qozǵalatyn máselelerdi qaraý quzyretine kiretin memlekettik organdarǵa zań jobasymen bir mezgilde jiberedi. Saraptama qorytyndysynda qozǵalatyn máselelerdi qaraý quzyretine kiretin memlekettik organdar ǵylymı saraptama qorytyndysyn alǵannan keıin 7 jumys kúni ishinde berilgen eskertýler men usynystardy qaraý jóninde sharalar qabyldaýǵa jáne ázirleýshi organǵa tıisti aqparatty usynýǵa mindetti. 28. Zań jobasy men ol boıynsha saraptama qorytyndysyn Qazaqstan Respýblıkasy Úkimetiniń qaraýyna engizgen kezde ázirleýshi organ zań jobasy boıynsha saraptama qory­tyndysynda qamtylǵan usynymdardy qabyl­damaý sebepteriniń dáleldi negizdemelerin berýge tıis. Ázirleýshi organ tıisti negizdemelerdiń kóshirmesin ǵylymı uıymǵa nemese sarapshyǵa bir mezgilde beredi. 8. Ǵylymı saraptama júrgizýdi qarjylandyrý 29. Ǵylymı saraptama júrgizýdi qarjylandyrý Qazaqstan Respýblıkasynyń zańnamasynda belgilengen tártippen bıýdjet qarajatynyń esebinen júzege asyrylady. Normatıvtik quqyqtyq aktilerdiń jobalaryna ǵylymı saraptama júrgizý qaǵıdalaryna qosymsha Ǵylymı ekonomıkalyq saraptamaǵa usyný úshin Qazaqstan Respýblıkasynyń qabyldanatyn zań jobalary qoldanysynyń áleýmettik-ekonomıkalyq saldaryn baǵalaý jónindegi pasport *Pasporttyń bólimderin toltyrýǵa tolyq nusqaýlyq qabyldanatyn zań jobalary qoldanysynyń áleýmettik-ekonomıkalyq saldaryn baǵalaý jónindegi ádistemelik usynymdarda berilgen 1. Jalpy aqparat Ázirleýshi memlekettik organ Zań jobasynyń ataýy Ázirleýshi – oryndaýshynyń baılanys aqparaty T.A.Á.: Laýazymy: Tel.: Elektrondyq poshta mekenjaıy: Zańnama salasy Quqyqtyq retteý máni 2. Zań jobasyn ázirleýdiń negizdiligi jáne ýaqtylylyǵy 2.1 Zań jobasy sheshýge baǵyttalǵan problema (Problema aıqyndalýǵa jáne barynsha naqty tujyrymdalýǵa tıis. Shekten tys keń kólemde ne naqty emes tujyrymdaýdan aýlaq bolǵan durys) Problemany tujyrymdaý: Problemanyń sapalyq jáne sandyq sıpattamasy: (problemanyń mánin jáne aýqymyn: aýmaqtyq jáne salalyq qyrlarda sapaly ashý, sondaı-aq problema damýynyń qarqyny týraly aqparat berý: ýaqyt óte kele problemanyń ulǵaıýy, azaıýy nemese ótkirliginiń ózgermeýi) Problemanyń bolýyna baılanysty týyndaıtyn teris áserler: (zııan keltirilgeni, onyń aqshalaı mándegi mólsheri týraly málimetterdi; azamattar men uıymdardyń quqyqtary men múddelerin buzý týraly sandyq málimetterdi; retteýdiń bolmaýy saldarynan áreketterdi, fýnksııalardy ne kórsetiletin qyzmetterdi alýdyń múmkin emestigi týraly málimetterdi (derekter jáne zalaldy, jiberip alǵan paıdany baǵalaý jáne basqalar); azamattar men uıymdardyń ótinishteri, shaǵymdary týraly derekterdi jáne t.b. usyna otyryp, problemanyń bolý saldary bolyp tabylatyn teris áserdi sıpattaý) О́zine qatysty problema qozǵalatyn tulǵalar: (nysanaly toptar qozǵaǵan problemany sıpattaý: azamattar, kásiporyndar, uıymdar, memleket) Bolýy problemaǵa ákep soǵatyn sebepter: 2.2 Problemalyq saladaǵy aǵymdaǵy jaǵdaıdy taldaý jáne memlekettik retteý (retteletin salany, ekonomıka sektoryn damytýdyń negizgi ólshemderi, statıstıkalyq derekterdiń jáne halyqaralyq reıtıngtik baǵalaýlardyń taldaýyn paıdalana otyryp, básekege qabilettilikti baǵalaý, qazirgi ýaqytta qoldanystaǵy zańnama, baǵdarlamalyq qujattar sheńberinde problemalardy sheshý úshin qoldanylatyn sharalar, qol jetkizilgen nátıjeler) 2.3 Zań jobasynyń maqsaty men mindetteri (zań jobasyn engizýden qajet etiletin nátıje) Maqsaty (qol jetkizý úshin zań jobasy ázirlenetin uzaq merzimdi áleýmettik jáne (nemese) ekonomıkalyq maqsattardy belgileý) Mindetteri (maqsatqa qol jetkizilýin tekserýdi júzege asyrý úshin isterdiń bolashaq jaı-kúıin aıqyndaýǵa tıis) Mindetterdi sheshý nátıjeleriniń sandyq-ólshemdik kórsetkishteri (mindetterdi sheshý dárejesin sıpattaıtyn kórsetkishter (re­daksııalyq túzetýlerdi qamtıtyn jáne quqyqtyq olqy­lyq­tar men kollızııalardy joıýǵa baǵyttalǵan normalarǵa qoldanylmaıdy) 1. 2. 3. 1. 2. 2. 3. 1. …. 2.4 Zań jobasy maqsattarynyń memlekettiń strategııalyq maqsattaryna sáıkestigi (qujattardyń naqty erejeleri men olardyń ataýlaryn kórsete otyryp, usynylyp otyrǵan retteý maqsatynyń QR Prezıdentiniń jyl saıynǵy joldaýlarynyń, «Qazaqstan-2050» strategııasynyń, strategııalyq jáne baǵdarlamalyq qujattardyń maqsattarymen kelisilgendigin kórsetý) Memlekettiń strategııalyq maqsattary Zań jobasy maqsatynyń memlekettiń strategııalyq maqsattaryna sáıkestigin sıpattaý «….» «…» 2.5 Retteýdiń uqsas problemalaryn sheshýdiń halyqaralyq tájirıbesi (ártúrli elderde retteýdiń belgilengen problemasyn sheshý mysaldaryn sıpattaý) 2.6 Zań jobasyn ázirleý kezeńinde qaralǵan problemany sheshýdiń barlyq nusqalaryn sıpattaý jáne tańdalǵan nusqany negizdeý (problemany sheshýdiń ártúrli nusqalarynyń tetikterin, artyqshylyqtaryn, kemshilikterin, iske asyrý táýekelderin sıpattaý, sondaı-aq basqa nusqalardy qabyldamaý sebebin sıpattaı otyryp, problemany sheshýdiń usynylǵan tásilin tańdaýdy negizdeý) 3. Nysanaly toptar úshin paıdany jáne shyǵasylardy taldaý ádisin qoldana otyryp, áleýmettik-ekonomıkalyq saldarlardy taldaý (usynyp otyrǵan zań jobasy tikeleı nemese janama áser etýi múmkin nysanaly toptardy aıqyndaý, olarǵa sapalyq jáne sandyq sıpattama berý, sondaı-aq olar úshin barlyq kútiletin saldardy (oń jáne teris) taldaý) I. Halyq Nysanaly topty sıpattaý Nysanaly topty sandyq baǵalaý Paıdany sapalyq jáne sandyq sıpattaý Shyǵasylardy sapalyq jáne sandyq sıpattaý II. Kásipkerlik sýbektileri Nysanaly topty sıpattaý Nysanaly topty sandyq baǵalaý Paıdany sapalyq jáne sandyq sıpattaý Shyǵasylardy sapalyq jáne sandyq sıpattaý III. Memleket Nysanaly topty sıpattaý Nysanaly topty sandyq baǵalaý Paıdany sapalyq jáne sandyq sıpattaý Shyǵasylardy sapalyq jáne sandyq sıpattaý *osy bólimderge arnalǵan yqtımal esepterdiń mysaldary Ádistemelik usynymdardyń 3-bóliminde bolady 4. Iske asyrý táýekelderi (zań jobasyn iske asyrý kezinde onyń maqsattaryna qol jetkizýge kedergi jasaıtyn teris saldarlar, áleýetti kúrdelilikter, mán-jaılar) 5. Zań jobasynyń maqsattary men mindetterine qol jetkizý quraldary (Qol jetkizý quraldary jáne bekitilgen bıýdjettik baǵdarlamalar sheńberinde boljamdy soma, bekitilgen somadan artyq qosymsha qarjylandyrý nemese basqa da kózderden bólingen qarajat kórsetiledi. Bul rette qarjylandyrý kózderi: respýblıkalyq, jergilikti bıýdjetter, Ulttyq qor jáne ózge de kózder, sondaı-aq salyq mólsherlemeleriniń jáne bıýdjetke tólenetin basqa da mindetti tólemderdiń kúshi joıylǵan nemese tómendetilgen jaǵdaıda bıýdjet shyǵyny,salyq jeńildikterin engizý, shegerimder jáne basqalary kórsetiledi) Respýblıkalyq bıýdjet Jergilikti bıýdjet Ulttyq qor О́zge de kózder (kózderdiń ataýy) Josparlanǵan bıýdjet baǵdarlamasy sheńberindegi soma (ataýy) Bıýdjetten qosymsha bólingen qarajat somasy Basqa da kózderden bólingen soma Bıýdjet shyǵyny 6. Zań jobasyn qoǵamdyq talqylaý nátıjeleri 7. Qosymsha (taldaý nátıjelerin sýrettermen bezendirýge arnalǵan qosymsha materıaldar) T.A.Á. _______________________________________________________________ (zań jobasyn ázirleýshi memlekettik organnyń jetekshilik etetin basshysy orynbasarynyń qoly) Qazaqstan Respýblıkasy Úkimetiniń 2016 jylǵy 31 tamyzdaǵy №497 qaýlysyna qosymsha Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1. «Norma shyǵarmashylyǵy qyzmetin jetil­dirý jónindegi sharalar týraly» Qazaqstan Res­pýblıkasy Úkimetiniń 2002 jylǵy 30 mamyrdaǵy № 598 qaýlysy (Qazaqstan Respýblıkasynyń PÚAJ-y, 2002 j., № 16, 172-qujat). 2. «Qazaqstan Respýblıkasy Ykimetiniń 2002 jylǵy 30 mamyrdaǵy № 598 qaýlysyna tolyq­tyrýlar men ózgerister engizý týraly» Qazaq­stan Respýblıkasy Úkimetiniń 2003 jylǵy 4 qyrkúıek­tegi № 898 qaýlysy (Qazaqstan Respýblıkasynyń PÚAJ-y, 2003 j., № 36, 363-qujat). 3. «Qazaqstan Respýblıkasy Ykimetiniń 2002 jylǵy 30 mamyrdaǵy № 598 qaýlysyna tolyq­tyrýlar engizý týraly» Qazaqstan Respýblıkasy Úkimetiniń 2005 jylǵy 3 qarashadaǵy № 1096 qaýly­sy (Qazaqstan Respýblıkasynyń PÚAJ-y, 2005 j., № 40, 559-qujat). 4. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Ykimetiniń 2006 jylǵy 14 aqpandaǵy № 99 qaýlysymen beki­tilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 4-tarmaǵy. 5. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2007 jylǵy 20 naýryzdaǵy № 217 qaýlysymen bekitilgen (Qazaqstan Respýblıkasynyń PÚAJ-y, 2007 j., № 9, 105-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy. 6. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2009 jylǵy 4 maýsymdaǵy № 822 qaýlysymen bekitilgen (Qazaqstan Respýblıkasynyń PÚAJ-y, 2009 j., № 29, 255-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 1-tarmaǵy. 7. «Qazaqstan Respýblıkasy Ykimetiniń 2002 jylǵy 30 mamyrdaǵy № 598 qaýlysyna tolyqtyrýlar men ózgerister engizý týraly» Qazaqstan Respýblıkasy 2010 jylǵy 15 qantardaǵy № 13 qaýlysy (Qazaqstan Respýblıkasynyń PÚAJ-y, 2010 j., № 6, 82-qujat). 8. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2010 jylǵy 12 qarashadaǵy № 1198 qaýlysymen bekitilgen (Qazaqstan Respýblıkasynyń PÚAJ-y, 2010 j., № 60, 594-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 1-tarmaǵynyń 2) tarmaqshasy. 9. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 5 sáýirdegi № 359 qaýlysymen bekitilgen (Qazaqstan Respýblıkasynyń PÚAJ-y, 2011 j., № 29, 364-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 1-tarmaǵynyń 1) tarmaqshasy. 10. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 27 mamyrdaǵy № 590 qaýlysymen bekitilgen (Qazaqstan Respýblıkasynyń PÚAJ-y, 2011 j., № 40, 506-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 1-tarmaǵy. 11. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2013 jylǵy 11 sáýirdegi № 333 qaýlysymen bekitilgen (Qazaqstan Respýblıkasynyń PÚAJ-y, 2013 j., № 24, 389-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 1-tarmaǵy. 12. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2013 jylǵy 29 mamyrdaǵy № 541 qaýlysymen bekitilgen (Qazaqstan Respýblıkasynyń PÚAJ-y, 2013 j., № 35, 521-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy. 13. «Qazaqstan Respýblıkasy Ykimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2014 jylǵy 24 qyrkúıektegi № 1011 qaýlysymen bekitilgen (Qazaqstan Respýblıkasynyń PÚAJ-y, 2014 j., № 59-60, 555-qujat) Qazaqstan Res­­pýb­lıkasy Úkimetiniń keıbir sheshimderine engiziletin ózgerister men tolyqtyrýlardyń 2-tarmaǵy. 14. «Qazaqstan Respýblıkasy Úkimetiniń keıbir sheshimderine jáne «Zań shyǵarý qyzmetin odan ári jetildirý jónindegi sharalar týraly» Qazaqstan Respýblıkasy Premer-Mınıstriniń 2009 jylǵy 2 aqpandaǵy № 15-ó ókimine ózge­rister men tolyqtyrýlar engizý týraly» Qazaq­stan Respýblıkasy Úkimetiniń 2014 jylǵy 30 jeltoqsandaǵy № 1401 qaýlysymen bekitilgen (Qazaqstan Respýblıkasynyń PÚAJ-y, 2014 j., № 83-84, 722-qujat) Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 4-tarmaǵy.